گوجرانوالہ گوجرانوالہ کی ”پھولن دیوی“نے ساتھی ڈاکووں کے ساتھ واردات کے دوران مزاحمت پر معمر خاتون کو وحشیانہ تشدد کا نشانہ بنا ڈالا اور لو ٹ مار کر کے فرار ہو گئی۔نجی ٹی وی کے مطابق نقاب پوش خاتون ڈاکو اپنے ساتھیوں سمیت لمبانوالی کے رہائشی رشید کے گھر میں گھس گئی جنہوں نے خواتین اور بچوں کو یرغمال بنا کر لوٹ مار شروع کر دی، اس دوران رشید کی پینتالیس سالہ اہلیہ ثریا نے مزاحمت کی تو خاتون ڈاکو نے مرد ساتھی کی مدد سے ثریا بی بی کو وحشیا نہ تشدد کا نشانہ بنایا جس سے وہ بے ہو ش ہو گئی۔ڈاکو گھر سے طلائی زیورات اور نقدی لوٹ کر فرار ہو گئے۔ واردات کی بروقت اطلاع کے باوجود کینٹ پولیس حسب روایت تاخیر سے پہنچی۔ اہل محلہ نے زخمی خاتون کو طبی امداد کیلئے ڈسٹرکٹ اسپتال منتقل کیا اور پولیس کی تاخیر سے آمد پر احتجاج کیا۔